Plantun de Prouvènço

Pèr coumpara dos planto d'encò nostre

Vitis riparia x Vitis rupestris & Erysimum virgatum

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 0,5 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Ordre : Vitales

Coulour de la flour : Verdo
Petalo : 8
Ø (o loungour) flour : 4 à 5 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Ribiero - Ermas - Ripisilvo
Estànci : Termoumediterran à Coulinen
Couroulougi : Éuroupenco-Sud
Ref. sc. : Vitis riparia x Vitis rupestris Tison, 2014

Girouflèio(-en-bagueto)

Erysimum virgatum

Brassicaceae Cruciferae

Noms en français : Vélar en baguette, Vélar à feuilles d'épervière.

Descripcioun :
Aquesto girouflèio trachis dins lis ermas e en ribo de camin, de pisto de mountagno. Se recounèis i péu de si fueio d'en bas que soun estela (di tres partido), à si lòngui silico (> 3 cm un cop maduro) que rèston proche de la cambo, à si petalo gaire larjo (< 4 mm) e à si fueio dóu mitan quàsi entiero o à dènt < 1 mm. Pensa de coumpara emé lis àutri Erysimum en cliquant sus la grosso flécho verdo çai-souto.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 80 cm
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Erysimum
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : 9 à 13 mm
Flourido : Printèms - Estiéu

Sòu : Ca
Autour basso e auto : 400 à 2200 m
Aparado : Noun
Mai à avoust

Liò : Ermas - camin - Pisto
Estànci : Mountagnard à Subaupen
Couroulougi : Éurasiatico
Ref. sc. : Erysimum virgatum Roth, 1797

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vitis riparia x Vitis rupestris & Erysimum virgatum

ges

Coumpara Lambrusco(-bastardo) emé uno autro planto

Coumpara Girouflèio(-en-bagueto) emé uno autro planto